Girmek
«City Business School» işewürlik mekdebi «Kompaniýanyň karz syýasatynyň hasabyna täsirli satuwlar» mowzugy boýunça işewürlik ertirliginiň geçirilýändigini habar berýär, oňa ähli isleg bildirýänler gatnaşyp bilerler.
Duşuşygyň çäklerinde satuwyň möçberlerini ýokarlandyrmagyň strategiýasy we takstikasy, täsirli karz syýasatyna bolan talap, karz şertlerini differensiasiýalaşdyrmak maksady bilen alyjylaryň karz sanawyny (reýtingini) emele getirmek bilen baglanyşykly, şeýle hem haýsy ýagdaýlarda täsirli karz tehnologiýalaryna ýüz tutmalydygyna bagyşlanan meselelere garalar.
Çärede aýdyljak maglumatlar buhgalterler, maliýe işgärleri, şeýle hem hususy işewürler we satuw boýunça dolandyryjylar (menejerler) üçin örän peýdaly bolup biler.
Çäräniň alypbaryjysy hökmünde köp sanly taslamalaryň we iri kompaniýalaryň öňdebaryjy maliýe işgäri, Türkmenistanyň çäginde Maliýe hasabatlylygynyň halkara standarty boýunça okuw maksatnamasyny esaslandyryjy, maliýe ulgamynda örän uly nazary we amaly tejribä eýe bolan Bahram Gandymow çykyş eder.
Işewürlik ertirligi 7-nji iýulda sagat 11:00-da «Üzüm» kafesinde geçiriler: Aşgabat, Çary Baýryýew köç., 13 (öňki Mežlauka), «Ak Altyn» myhmanhanasynyň golaýy.
Girişiň bahasy – 250 manat. Işewürlik ertirligine gatnaşmak üçin salgy boýunça ýa-da (+993 63) 41 51 78 telefon belgisi boýunça öňünden ýazylmak zerurdyr.