Girmek
Golaý wagtda Hytaýa Merkezi Aziýanyň ähli döwlet Baştutanlary sapar bilen bararlar. Bu barada ýurduň DIM-niň wekili Hua Çunin habar berdi diýip, «Report.az» ýazýar.
Onuň sözlerine görä, HHR-iň Başlygy Si Szinpin Gazagystanyň Prezidenti Kasym-Žomart Tokaýewi, Gyrgyzystanyň Prezidenti Sadyr Žaparowy, Özbegistanyň döwlet Baştutany Şawkat Mirziýoýewi hem-de Täjigistanyň Prezidenti Emomali Rahmony 16 — 20-njy maý aralygynda öz ýurduna döwlet sapary bilen gelmäge çagyrdy.
Diplomat çagyrylan Prezidentleriň, şol sanda Türkmenistanyň Prezidenti Serdar Berdimuhamedowyň «Hytaý — Merkezi Aziýa» sammitine gatnaşjakdyklaryny habar berdi.
Sammit Szinpiniň başlyklyk etmeginde Hytaýyň Şensi ülkesiniň merkezi Sian şäherinde geçer.