Girmek
Yragyň paýtagtyny güýçli çägeli harasat basdy, netijede, 500-den gowrak adam demgysma sebäpli ejir çekdi. Olaryň köpüsi agyr ýagdaýda hassahana eltildi diýip, «Habar 24» ýazýar.
Bagdadyň ýaşaýjylary agyz-burun örtügini we beýleki gorag serişdelerini dakynmaga mejbur bolýarlar. Häkimiýetler olara öýleridir binalary terk etmezligi maslahat berýärler.
Çägeli harasatlar ýurduň paýtagtynda adaty ýagdaý, emma hünärmenler olaryň sanynyň soňky ýyllarda barha artýandygyndan biynjalyk bolýarlar. Ýagdaý bu ýyl ygalyň az düşmegi, çölleşmek we howanyň üýtgemegi bilen baglylykda has çylşyrymlaşýar.