Girmek
Nusgawy awar şahyry Rasul Gamzatowyň doglan gününiň 100 ýyllygynyň baýramyna gabatlanyp, Russiýanyň Sankt-Peterburg şäherindäki seýil bagyna ady dakylar. Ol şäheriň Kalinin etrabyna ýerleşýär diýip, RF-niň wise-premýeri Tatýana Golikowa habar berdi diýip, «MIR 24» ýazýar.
Şahyryň doglan gününiň 100 ýyllygyna bagyşlanan çäreleriň 42-sini ýokary derejede geçirmek üçin ýörite guramaçylyk topary düzüldi. Esasy baýramçylyk dabaralary Gamzatowyň dogduk Watany Mahaçgalada hem-de Döwlet Kreml köşgünde geçiriler.
Öň Gamzatowyň 100 ýyllygyna bagyşlap, Russiýada «Ak durnalar» atly wişnýa sortunyň döredilendigi habar berlipdi.
Rasul Gamzatow 1922-nji ýylyň 8-nji sentýabrynda doguldy. Onuň goşgulary dünýäniň onlarça diline terjime edildi.