Girmek
Şu gün Aşgabatda geçirilen 15-nji «Türkmentel—2022» sergisiniň we ylmy maslahatynyň çäklerinde «Tehnomerkezi» hojalyk jemgyýeti hem-de Türkmentehnogurluşyk» ÝGPJ tarapyndan bilelikde taýýarlanan ilkinji türkmen antiwirusy — Milli One Endpoint Security köpçülige tanyşdyryldy.
Täze antiwirus Windows we Mac porogramma üpjünçiligini goldaýan ähli gurluşlar üçin elýeterlidir. Milli One antiwirusynda poçta, web howplaryna we tor hüjümlerine garşy gorag modullary bar, şeýle-de ol gizlin zyýanly programma üpjünçiliginden goraýar.
Işläp düzüjileriň pikiriçe, bu antiwirusyň kömegi bilen ulanyjylar öz programmalary bilen ofisdäki islendik enjamda ýa-da uzakdan howpsuz işläp bilerler.
Milli One Endpoint Security aýratyn serwer ýa-da howpsuzlyk syýasaty talap etmeýär. Ulanyjylar internete birigen pursatlaryndan antiwirusyň goragyndan peýdalanyp başlaýarlar.