Girmek
Saudyň «Saudi Arabian Oil Co. (Saudi Aramco)» Döwlet nebit kompaniýasy 2022-nji ýylyň ikinji ýarymynda sap girdejisini tas 90 göterim artdyrdy, muňa nebitiň dünýä bahalarynyň ösüşi sebäp boldy diýip, «Interfax.ru» habar berdi.
Aprel-iýun aralygynda kompaniýanyň sap girdejisi bir ýyl mundan öň 25,5 milliard dollar bolanlygynyň deregine 48,4 milliard amerikan dollaryna deň boldy, bu kompaniýada 2019-njy ýyldan bäri rekord görkezijidir.
«Saudi Aramco» düşewündini 2022-nji ýylyň birinji ýarym ýylynda 88 milliard dollara çenli artdyrdy.
Girdejileriň köpelmegine nebitiň nyrhynyň artmagy we hakyky aňladylmada satuwlaryň, şeýle-de nebiti gaýtadan işlemekde hem-de nebithimiýasynda operasiýalaryň düşewüntliliginiň ýokarlanmagy sebäp boldy.
Uglewodorodlaryň gazylyp alnyşynyň umumy möçberi ikinji çärýekde gije-gündizde nebit ekwiwalentde 13,6 barrele deň boldy.
Maýa goýumlary ady agzalan döwürde 9,4 milliard dollary düzdi, bu geçen ýylyň degişli döwründäkiden 25 göterim ýokarydyr.