Girmek
INTERFAX.RU habarlar gullugynyň habaryna görä, Berlinde düýn kansler Angela Merkeli hormat bilen wezipesinden ugratmak dabarasy boldy. Dabara däbe görä, Berlindäki Goranmak ministrliginiň binasynyň howlusynda geçdi.
Dabara 200 töweregi adam gatnaşdy. Onda kansler gysgajyk söz sözledi, yzysüre bundesweriň saz topary birnäçe sazlary ýerine ýetirdi, olary Merkeliň özi saýlap alypdyr. Kansleriň saýlan mukamlarynyň arasynda XVIII asyryň «Großer Gott, wir loben Dich» («Beýik Ýaradan, biz Seniň adyňy şöhratlandyrýarys») atly senasy, aktrisa we aýdymçy zenan Hildegard Knefiň ýerine ýetirmeginde «Für mich soll's rote Rosen» («Meniň üçin gyzyl bägüllerden ýagyş ýagýar») we döwrebap pan-rok aýdymçy gyz Nina Hageniň aýtmagynda «Du hast den Farbfilm vergessen» («Sen gyzyl plýonkany ýadyňdan çykardyň» atly aýdymlar bar.
Resmi taýdan Merkeli 8-nji dekabrda iş başyndan gider, şol gün Bundestagda ses berlişik netijesinde GFR-niň täze kansleri saýlanar. Merkeli bu döwlet wezipesinde ýurduň maliýe ministri Olaf Şols çalşar diýlip garaşylýar.