Girmek
Türkmenistanyň Döwlet haryt-çig mal biržasynyň şu hepdäniniň dowamynda geçiren söwda amallarynda 9 sany geleşik hasaba alyndy.
Daşary ýurt walýutasyna Beýik Britaniýanyň hem-de Birleşen Arap Emirlikleriniň telekeçileri Türkmenbaşynyň nebiti gaýtadan işleýän zawodlar toplumynda öndürilen az kükürtli ýangyç mazudyny satyn aldylar.
Mundan başga-da, dürli kysymly awtoulaglar, float aýnasy, nah ýüplügi we bakja önümleri daşary ýurt walýutasyna ýerlenildi. Bu önümleri satyn alýan ýurtlar: Beýik Britaniýa, BAE, Türkiýe, Owganystan. Geleşikleriň umumy bahasy 15 million 937 müň ABŞ dollaryndan geçdi.
Birleşen Arap Emirlikleriniň işewür toparlarynyň wekilleri umumy bahasy 1 million 800 müň manat bolan nah ýüplügi satyn aldylar.
Bir hepde mundan ozal Türkmenistanyň Döwlet haryt-çig mal biržasyndaky walýuta amallarynyň bahasy 27,3 million dollardan geçdi.