Girmek
Tapgyryň umumy aýratynlyklary:
Bir täze golçy: Möwsümde tapawutlanan futbolçylaryň sanawyna bu gezek diňe «Merwden» Şaweli Seýitgulyýew goşuldy.
98 golçy: Şeýlelikde, möwsümde tapawutlanan futbolçylaryň sany 98-e çykdy.
9 gol: Şeýlelikde, 17-nji tapgyryň duşuşyklarynda derwezelere 9 pökgi geçirildi. Mundan öň 15-nji we 19-njy tapgyrlar 9 gol bilen tamamlanypdy.
287 gol: Şunluk bilen möwsümde geçirilen gollaryň sany 287-ä çykdy.
“Energetik” – “Aşgabat” – 2:1
Gollar: 18 Begli Meredow, 62 Parahat Jumanazarow – 84 Kemal Annamuhammedow.
Birinji aýlawda: 0:1
Ikinji aýlawda: 0:1
Dördünji aýlawda: 1:6
Möwsüm boýunça: 3:9.
30-njy gol: Kemal Annamuhammedow «Aşgabadyň» şu möwsümdäki 30-njy pökgüsini geçirdi.
20-nji gol: Begli Meredow «Energetigiň» şu möwsümdäki 20-nji pökgüsini geçirdi.
10 utukly sekizinji topar: «Energetik» möwsümde 10 utuklyk sepgide ýetip bilen iň soňky topar boldy. Häzir toparyň hasabynda 12 utuk bar. Böwedi açylan ýeňiş öňümizdäki tapgyrlarda hem gazanylsa, toparyň ikinji 10-lugy hem doldurmaga mümkinçiligi bar.
200-nji gol: Duşuşykda Begli Meredowyň geçiren pökgüsi «Energetigiň» Ýokary ligadaky 200-nji goly boldy.
5 tapgyrdan soň utuk, 13 tapgyrdan soň ýeňiş: «Energetik» iň soňky utugyny 5, iň soňky ýeňşini 13 tapgyr ozal gazanypdy.
“Ahal” – “Merw” – 3:1
Gollar: 48 Guwanç Abylow, 56 Murat Ýakşiýew, 67 Pirmyrat Sultanow – 90+4 Şaweli Seýitgulyýew.
Birinji aýlawda: 3:0
Ikinji aýlawda: 0:3
Dördünji aýlawda: 1:0
Möwsüm boýunça: 7:4.
50 utukly ikinji topar: Bu ýeňişden soňra utugyny 52-ä çykaran «Ahal» möwsümde 50 utuklyk sepgide ýetip bilen ikinji topar boldy. Möwsümiň tamamlanmagyna üç tapgyr galanda çempionlygyny yglan eden «Altyn asyrda» 64 utuk bar.
Bir derwezä 40 pökgi: Şu duşuşykda Myrat Ýagşyýewiň geçiren goly möwsümde «Merwiň» derwezesine geçirilen 40-njy pökgi boldy.
Abylow ― altynjy: Ýokary ligada 2012-nji ýyldan bäri 81-nji pökgüsini geçiren Guwanç Abylow şol möwsümden bäri iň kän tapawutlanan futbolçylaryň sanawynda bir basgançak ýokary süýşüp, altynjy orna geçdi. Ozal ol Mämmedaly Karadanow bilen altynjy we ýedinji basgançaklary paýlaşýardy. Ýeri gelende aýtsak, sanawyň bäşinji basgançagyndaky Hemra Amanmämmedowyň hasabynda 96 pökgi bar.
Ýokary liga golly ädim: Şaweli Seýitgulyýew Ýokary ligadaky ilkinji goluny geçirdi. Ol 2012-nji ýyldan bäri ýöredilip gelinýän sanawa 301-nji futbolçy bolup goşuldy.