Türkmenistanyň Gurluşyk we binagärlik ministrligi halkara bäsleşik yglan edýär

Türkmenistanyň Gurluşyk we binagärlik ministrligi Ahal welaýatynyň Gökdepe etrabynda kuwwaty gije-gündizde 300 tonna pagta çigidini gaýtadan işlemäge we ýokary hilli arassalanan pagta ýagyny öndürmäge ukyply bolan ýag kärhanasynyň taslamalaryny düzmek we gurmak boýunça halkara bäsleşik yglan edýär.
Gyzyklanma bildirýän taraplaryň haýyşnamalary we teklipleri Aşgabat şäheriniň Arçabil şaýolunyň 84-nji jaýynda ýerleşýän Türkmenistanyň Gurluşyk we binagärlik ministrliginiň Bazary öwreniş we daşary ykdysady gatnaşyklar müdirliginde bellenilen tertipde kabul edilýär we resmileşdirilýär. Haýyşnamalar şu bildirişiň gazetde çap edilen gününden başlap, 2019-njy ýylyň 29-njy martyna çenli kabul edilýär.
Habarlaşmak üçin telefonlar: 44-47-26, 44-47-56.