Girmek
Türkmenistanyň Prezidenti Serdar Berdimuhamedowyň adyna ýurduň Garaşsyzlyk güni mynasybetli daşary ýurtly kärdeşlerinden, görnükli syýasatçylardan köp sanly gutlag hatlarynyň gelmegi dowam edýär.
«Türkmenistan» gazetiniň şu günki sanynda çap edilen gutlag hatlarynda, hususan-da, şeýle diýilýär:
Onuň Alyhezreti,
Türkmenistanyň Prezidenti
jenap Serdar BERDIMUHAMEDOWA
Siziň Alyhezretiňiz!
Türkmenistanyň Garaşsyzlyk güni mynasybetli Size we halkyňyza tüýs ýürekden gutlaglarymy beýan edýärin. Koreýa Respublikasy bilen Türkmenistanyň arasynda ýola goýlan hyzmatdaşlyk gatnaşyklarynyň geljekde hem pugtalandyryljakdygyna, halklarymyzyň arasyndaky dostlugyň has-da berkidiljekdigine ynanýaryn.
Siziň ýurduňyza parahatçylyk we gülläp ösüş, Siziň Alyhezretiňize berk jan saglyk, türkmen halkyna bolsa bagtyýarlyk arzuw edýärin.
Li Çže MÝON, Koreýa Respublikasynyň Prezidenti.
***
Onuň Alyhezreti,
Türkmenistanyň Prezidenti
jenap Serdar BERDIMUHAMEDOWA
Siziň Alyhezretiňize milli baýram — Türkmenistanyň Garaşsyzlyk güni mynasybetli tüýs ýürekden gutlaglarymy ibermäge şatdyryn.
Iki ýurduň arasynda yzygiderli ösdürilýän gatnaşyklaryň ýokary derejesini bellemek bilen, onuň has-da ilerlediljekdigine umyt edýärin. Ýurtlarymyzyň tagallalaryny birleşdirmek arkaly ählumumy derejede howanyň üýtgemegi ýaly meselelerde oňyn netijeleriň gazanyljakdygyna berk ynanýaryn.
Pursatdan peýdalanyp, Size we Türkmenistanyň halkyna iň gowy arzuwlarymy ýollaýaryn.
Beýik Britaniýanyň we Demirgazyk Irlandiýanyň Birleşen Patyşalygynyň Patyşasy KARL III maşgalasy bilen.
***
Onuň Alyhezreti,
Türkmenistanyň Prezidenti
jenap Serdar BERDIMUHAMEDOWA
Jenap Prezident!
Türkmenistanyň Garaşsyzlyk güni mynasybetli Size we ähli türkmen halkyna tüýs ýürekden gutlaglarymy iberýärin.
Häzirki wagtda iki ýurduň arasyndaky gatnaşyklar pugtalandyrylýar. Şunuň bilen bir hatarda, Germaniýa Merkezi Aziýa ýurtlary, şol sanda Türkmenistan bilen sebit hyzmatdaşlygynyň çäklerinde syýasy, ykdysady, medeni-ynsanperwer ulgamlardaky gatnaşyklary yzygiderli ösdürýär.
Siziň Alyhezretiňize iň gowy arzuwlarymy beýan etmek bilen, Türkmenistanyň halkyna abadançylyk we rowaçlyk arzuw edýärin.
Frank-Walter ŞTAÝNMAÝER, Germaniýa Federatiw Respublikasynyň Prezidenti.
***
Onuň Alyhezreti,
Türkmenistanyň Prezidenti
jenap Serdar BERDIMUHAMEDOWA
Türkmenistanyň Garaşsyzlyk güni mynasybetli Siziň Alyhezretiňize we ýurduňyzyň halkyna tüýs ýürekden gutlaglarymy hem-de abadançylyk, berk jan saglyk baradaky arzuwlarymy beýan edýärin.
FILIPP, Belgiýanyň Patyşasy.
***
Onuň Alyhezreti,
Türkmenistanyň Prezidenti,
jenap Serdar BERDIMUHAMEDOWA
Hormatly jenap Prezident!
Sizi Slowakiýa Respublikasynyň halkynyň adyndan, şeýle hem hut öz adymdan Türkmenistanyň Garaşsyzlyk güni mynasybetli tüýs ýürekden gutlaýaryn. Türkmenistanyň hemişelik Bitaraplygynyň 30 ýyllygy hem-de Siziň başlangyjyňyz bilen BMG-niň Baş Assambleýasy tarapyndan yglan edilen Halkara parahatçylyk we ynanyşmak ýyly Türkmenistanyň halkara derejede eýeleýän ornunyň has-da pugtalandyrylmagynda aýratyn sepgit bolup durýar.
Şu şatlykly günde ikitaraplaýyn hem-de köptaraplaýyn görnüşde dostlukly we özara bähbitli hyzmatdaşlyk gatnaşyklaryny mundan beýläk-de ösdürmäge ygrarlydygymyza Sizi ynandyrmaga rugsat ediň! Şeýle hem Slowakiýanyň ykdysady, medeni ulgamlarda ikitaraplaýyn dialogy giňeltmäge taýýardygyny tassyklaýaryn.
Hormatly jenap Prezident, Size berk jan saglyk, Türkmenistana we onuň halkyna parahatçylyk, durnuklylyk hem-de rowaçlyk arzuw edýärin!
Siziň Alyhezretiňiz, Size belent hormat goýýandygym baradaky ynandyrmalarymy kabul ediň!
Peter PELLEGRINI, Slowakiýa Respublikasynyň Prezidenti.
***
Onuň Alyhezreti,
Türkmenistanyň Prezidenti
jenap Serdar BERDIMUHAMEDOWA
Siziň Alyhezretiňiz!
Sizi Türkmenistanyň Garaşsyzlyk güni mynasybetli tüýs ýürekden gutlaýaryn.
Ýurtlarymyzyň arasyndaky dostluk we özara hormat goýmak ýörelgelerine esaslanýan hyzmatdaşlygyň mundan beýläk-de ösdüriljekdigine we pugtalandyryljakdygyna berk ynanýaryn.
Size we Türkmenistanyň ähli halkyna bagtyýarlyk arzuw edýärin.
Petr PAWEL, Çehiýa Respublikasynyň Prezidenti.
***
Onuň Alyhezreti,
Türkmenistanyň Prezidenti
jenap Serdar BERDIMUHAMEDOWA
Hormatly jenap Prezident!
Size Serbiýa Respublikasynyň halkynyň adyndan hem-de hut öz adymdan Türkmenistanyň Garaşsyzlyk güni mynasybetli tüýs ýürekden gutlaglarymy, Türkmenistanyň mundan beýläk-de okgunly ösmegi hem-de türkmen halkynyň abadançylygy baradaky hoşniýetli arzuwlarymy beýan edýärin.
Özara düşünişmek we goldaw bermek ýörelgelerine esaslanýan däp bolan dostlukly gatnaşyklara ýokary baha berýäris. Ol Serbiýa Respublikasy bilen Türkmenistanyň arasynda halklarymyzyň bähbidine ikitaraplaýyn gatnaşyklary we köpugurly hyzmatdaşlygy mundan beýläk-de pugtalandyrmak üçin berk binýat bolup hyzmat edýär.
Jenap Prezident, Size belent hormat goýýandygym baradaky ynandyrmalarymy kabul ediň!
Aleksandr WUÇIÇ, Serbiýa Respublikasynyň Prezidenti.