Girmek
Ýakynda Türkmenistanyň Merkezi Garagum sebitindäki Atbaý gaz-kondensat käniniň 241-nji ulanyş guýusyndan senagat möçberinde ýokary hilli tebigy gaz alyndy.
Ussat burawçylar 1200 metr çuňlukda alnyp barlan işleri üstünlikli ýerine ýetirdiler. 1104 — 1101 metr aralygyndaky öndürijilikli gatlakda geçirilen partlama amallarynyň netijesinde kükürt wodoroddan arassa bolan tebigy gaz alyndy – diýip, ussatnews.com saýty habar berdi.
Baha berişlerine görä, bu ulanyş guýusy her günde 215,9 müň kub metre barabar bolan ýokary hilli gaz berýär.
Çeşmäniň bellemegine görä, häzirki wagtda «Türkmengazburawlaýyş» müdirliginiň burawçylary «Türkmengaz» döwlet konserniniň düzüminde dünýäde gaz gorlarynyň möçberi boýunça iň iri känleriň biri hasaplanýan «Galkynyş» gaz käninde 110-njy, 231-nji, 253-nji, 260-njy, 261-nji, 263-nji, 266-njy we 283-nji ulanyş guýularynda alyp barýan işlerini dowam etdirýärler.