Girmek
Awgust aýynda ABŞ-da okamaga barýan daşary ýurtly talyplaryň sany ýyllyk aňlatmada 19 göterim azaldy we 313 müňe deň boldy. Bu soňky dört ýylda iň pes görkezijidir diýip, ýurduň Halkara söwda edarasyna salgylanýan «Bloomberg» neşiri habar berdi. Bu barada «RIA Nowosti» ýazýar.
Esasy paýy eýeleýän Aziýadan okamaga barýan talyplaryň sany 24 göterim (191 müňe çenli) azaldy, şol sanda Hindistandan talyplaryň sany 45, Hytaýdan 12 göterim kemeldi.
«Presidents' Alliance on Higher Education and Immigration» amerikan uniwersitetleriniň bileleşiginiň direktorynyň orunbasary Zuzana Sepla Wutson ýagdaýyň diňe uniwersitetlere we talyplara däl, eýsem, ýurduň ykdysadyýetine-de ýitgi getirjekdigini belleýär.
Halkara bilim işgärleriniň assosiasiýasy öz gezeginde daşary ýurtlardan ABŞ-a barýan täze talyplaryň sanynyň güýzde 40 göterim azaljakdygyny çaklaýar, bu amerikan uniwersitetleriniň 7 milliard dollar ýitgi çekmegine getirer. Geçen okuw ýylynda daşary ýurtly talyplar ýurduň ykdysadyýetine 44 mlrd dollar girdeji getiripdiler we 400 müň iş ornuny eýelediler.