Girmek
Türkmenistanyň sportuň gylyçlaşmak görnüşi boýunça türgenleri Gazagystanyň Almaty şäherinde geçirilen halkara Platinum Cup ýaryşynda ýeňiş gazandylar. Bu barada Türkmenistanyň milli gylyçlaşmak federasiýasynyň metbugat gullugy habar berýär.
Milli ýygyndymyzyň düzüminde çykyş eden Alekseý Woronin we Sanjar Ýolamanow altyn medallara mynasyp boldular. Olar tutuş ýaryşy bir gezek hem ýeňilmän tamamladylar.
«Biziň çempionlarymyz ýokary derejeli ussatlyk görkezip, iň ýokary baýragy aldylar. Baýrak gowşurma dabarasynda Türkmenistanyň döwlet gimni ýaňlandy» - diýip, milli ýygyndymyzyň metbugat gullugy belläp geçdi.
Milli ýygyndymyzyň tälimçisi Wýaçeslaw Woronin 40+ ýaş derejesinde ýene-de bir altyn medal gazandy.
Türkmenistanyň sportuň gylyçlaşmak görnüşi boýunça türgenleriniň indiki möhüm ýaryşy 2025-nji ýylyň 7–13-nji sentýabry aralygynda Daşkentde geçiriljek Aziýa kubogy ugrunda bolar.