Girmek
Mary şäherindäki «Türkmeniň ak öýi» binasynyň öňünde höwesjeň aýdymçy ýaşlaryň arasynda Türkmenistanyň Prezidentiniň «Türkmeniň Altyn asyry» atly bäsleşiginiň çäklerinde guralýan «Ýaňlan, Diýarym!» telebäsleşiginiň Mary welaýat tapgyry geçirildi. Oňa etrap, şäher tapgyrlarynda saýlanan aýdymçy ýaşlaryň 10-sy gatnaşdy. Bu barada «Türkmenistan» gazetinde habar berildi.
Habarda bellenilişi ýaly, bäsleşige gatnaşan aýdymçylaryň ýerine ýetirijilik ussatlygy, sahnada özlerini alyp barşy, aýdymlaryň döwrebaplygy, milliligi we çeperçilik derejesi emin agzalary tarapyndan mynasyp bahalandyryldy.
Eminleriň gelen netijesine laýyklykda, Garagum etrabynyň medeniýet merkeziniň çeper höwesjeňi Hojanepes Ataýew we Türkmengala etrabynyň medeniýet öýüniň aýdymçysy Remezan Işankulyýew «Ýaňlan, Diýarym!» telebäsleşiginiň Mary welaýat tapgyrynyň ýeňijileri diýlip ygan edildi. Olar döredijilik bäsleşiginiň döwlet derejesinde geçiriljek jemleýji tapgyryna gatnaşmaga hukuk gazandylar.
