Girmek
Türkiýäniň demirgazyk-günbataryndaky tokaý ýangynlarynyň öňüni almakda azyndan 10 sany ýangyn söndüriji we halas ediji gurban boldy, 14 adam ýaralandy. Bu barada «Euronews» habar berdi.
Ýangyn Eskişehr ülkesiniň tokaýlyklarynda döredi. Ýurduň oba hojalyk we tokaý hojalygy ministri Ybraýym Ýumakly heläk bolanlaryň bäşisiniň tokaý hojalygy işgärleridigini, ýene bäşisiniň AKUT halas ediş guramasynyň agzasydygyny habar berdi.
Habarda şemalyň duýdansyz ugruny üýtgetmegi netijesinde ýangynyň halas edijiler toparyny gabawa salandygy aýdylýar.
Türkiýe 26-njy iýuldan bäri tokaý ýangynlary bilen göreşýär. Öň şu aýda Izmir ülkesiniň Ödemiş şäheriniň golaýyndaky ýangynda bir ýaşuly adam we tokaý hojalygynyň iki işçisi gurban boldy.