Girmek
23-nji iýulda Kataryň Türkmenistandaky ilçisi Hamad bin Raşid bin Hamad Al-Azbi bilen Türkmenistanyň Gyzyl Ýarymaý Milli jemgyýetiniň hem-de Halkara Gyzyl Haç we Gyzyl Ýarymaý jemgyýetleri federasiýasynyň wekilleriniň arasynda duşuşyk geçirildi.
Kataryň Türkmenistandaky ilçihanasynda geçirilen duşuşyga Türkmenistanyň Gyzyl Ýarymaý Milli jemgyýetiniň halkara hyzmatdaşlyk bölüminiň başlygy Witaliý Zasepin we Halkara Gyzyl Haç we Gyzyl Ýarymaý jemgyýetleri federasiýasynyň Türkmenistandaky wekili Aman Gapbarow gatnaşdy. Taraplar ynsanperwer hyzmatdaşlygynyň meselelerini we ony mundan beýläk-de giňeltmegiň ugurlaryny ara alyp maslahatlaşdylar.