Girmek
Prezident Donald Tramp ABŞ-ny Birleşen Milletler Guramasynyň Bilim, ylym we medeniýet meseleleri boýunça guramasyndan (ÝUNESKO) çykarmakçy. Bu barada Ak tamyň metbugat gullugynyň wekili Anna Kelli habar berdi.
«The New York Post» gazetiniň habaryna görä, Tramp fewralda ÝUNESKO-nyň syýasy ugruna üns bermek bilen, 90 günlük barlag geçirmek barada görkezme berdi. Prezidentiň edarasynyň wekilleriniň geçiren seljermeleri netijesinde, guramanyň köpdürlülik, deňlik we inklýuziwlik ulgamynda alyp barýan syýasatyna nägilelik ýüze çykdy diýip, gazet ýazýar.
Ak tamda şeýle-de häzirki edaranyň ýurduň halkara guramalarda agzalygyna ünsli garaýandygyny hem-de onuň milli bähbitlere laýyklygyna gözegçilik edýändigini nygtadylar diýip, «rg.ru» habar berdi.