Girmek
Magtymguly adyndaky Türkmen döwlet uniwersitetiniň «Türkmen uniwersiteti» gazetiniň maý aýyndaky täze sany çykdy. Bu barada uniwersitetiň resmi saýtynda habar berildi.
Gazetiň bu gezekki sany uniwersitetiň täzelikleri bilen bagly bolup, onda mugallymlardyr talyplarynyň ýazan makalalaryna giň orun berildi.
Gazet sahypalarynda Magtymguly adyndaky Türkmen döwlet uniwersitetinde geçirilen halkara maslahatlar, uniwersitetiň mugallymlarynyň daşary ýurtda geçirilen foruma gatnaşmagy bilen bagly habarlar ýerleşdirildi.
Talyp ýaşlaryň dürli bäsleşiklerde gazanan üstünlikleri bilen hem tanyşmaga mümkinçilik döredildi. Aşgabat şäheriniň güni bilen bagly taýýarlanan habardyr makala-da özüne çekijidir.
Gazetiň täze sanynyň mazmunyny açyp görkezýän suratlar bilen bezelmegi onuň täsirliligini artdyrdy diýlip, habarda bellenilýär.