Girmek
Germaniýanyň Ministrler Kabineti Federal Kansleriň wezipesini ýerine ýetiriji Olaf Şolsuň başlyklyk etmegindäki soňky mejlisini geçirdi, onda pensiýalaryň möçberini 1-nji iýuldan 3,74 göterim köpeltmek barada çözgüt kabul edildi diýip, DPA neşirine salgylanýan TASS habar berdi.
Şolsuň Hökümeti üç ýarym ýyllyk işiniň dowamynda 131 mejlisi geçirdi.
6-njy maýda Bundestagda täze Kansler saýlanar, ol Hristian-demokratlaryň lideri Fridrih Mers bolar diýlip garaşylýar. Şol gün onuň «gara-gyzyl» Hökümetiniň (HDB/HSB konserwatorlar topary we Germaniýanyň Sosial-demokratik partiýasy GSDP) ähli agzalary kasam kabul ederler.
Germaniýada 23-nji fewraldaky möhletinden öňki saýlawlarda Mersiň HDB/ HSB konserwatorlar topary sesleriň 28,5 göterimini gazanyp, ýeňiş gazandy.