Türkiýäniň käbir sebitlerinde soňky üç günde 30 ýyldaky iň güýçli aýaz hasaba alyndy. Bu barada Respublikanyň oba hojalygy we tokaý hojalygy ministri Ybraýym Ýumakly habar berdi diýip, «Rambler.ru» ýazýar.
Ministr käbir sebitlerde howanyň -15 gradus derejede sowandygyny we munuň soňky 30 ýylda iň güýçli aýazly howadygyny belledi. Soňky günlerde ministrlik zyýan çeken oba hojalykçy önüm öndürijilere ýardam etmeli boldy.