Girmek
Ýakynda Ýagşygeldi Kakaew adyndaky Halkara nebit we gaz uniwersitetinde «Nowruz geldi ilime» ady bilen aýdym-sazly çäre geçirildi.
Türkmenistanyň Bilim ministrliginiň saýtynda habar berlişi ýaly, baýramçylyk çäresiniň çäklerinde Halkara Nowruz gününe bagyşlanan amaly-haşam sungatynyň sergisi hem guraldy.
Çäräniň dowamynda uniwersitetiň mugallymlary we talyplary Nowruzyň gelip çykyşynyň taryhy we baýramyň türkmen halkynyň medeniýetinde eýeleýän orny we däp-dessurlarymyzdaky ähmiýeti barada çykyş etdiler.
Uniwersitetiň «Gara Altyn» döredijilik topary tarapyndan ýerine ýetirilen aýdym-sazly çykyşlary baýramçylyga aýratyn bezeg berdi.