Maý aýynda Aşgabat şäheriniň ýaşaýjylary we myhmanlary kinorežissýor Sahysalyh Baýramowyň «Gyz kasamy» atly çeper filminiň premýerasyna tomaşa edip bilerler.
«Türkmenistan: Altyn asyr» neşiriniň habar berşi ýaly, «Türkmenfilm» kinostudiýasynda surata düşüriş işleri indi işjeň tapgyra gadam basdy.
Filmiň sýužeti 1941-1945-nji ýyllaryň Beýik Watançylyk urşunyň frontyndan öz ýakynlarynyň gaýdyp gelmegine garaşýan türkmen aýal-gyzlaryň durmuşynda bolup geçen hakyky wakalara esaslanýar.
Filmde tylda gaýduwsyz zähmet çeken gahryman zenanlar hakda gürrüň berilýär. Filmde sýužetiň baş gahrymanynyň şekiline öwrülýän oba gyzy H. Hudaýberdiýewanyň ykbaly barada gürrüň berilýär.
Filmiň köp ýerleri Lebap welaýatynda surata düşürilýär; eýýäm köp materiallar Kerki, Saýat we Halaç etraplarynda surata düşürildi.
Filmiň surata düşürilişine Lebap welaýatynyň Seýitnazar Seýdi adyndaky döwlet sazly drama teatrynyň artistleri gatnaşdy. Baş keşbi agzalan teatryň aktrisasy Aýna Rozyýewa ýerine ýetirýär.
Şeýle hem filmiň surata düşürilişine Türkmen döwlet medeniýet institutynyň talyplary hem gatnaşdylar.
Beýik Watançylyk urşunda gazanylan Ýeňşiň 80 ýyllygyna bagyşlanan filmiň premýerasy şu ýylyň maý aýynda bolar – diýlip, neşirde bellenýär.
