Girmek
«Rysgal» paýdarlar täjirçilik bankynyň müdiriýetiniň başlygy («Rysgal» PTB) Serdar Gurbandurdyýew ýeňillikli maliýeleşdirme arkaly bankyň Türkmenistanda hususy pudagyň maýa goýum taslamalaryna işjeň goldaw berjekdigini aýtdy. Ol muny hususy pudaga maýa goýumlaryny çekmäge bagyşlanan «Türkmenistanyň geljegine maýa goýumlar» atly halkara forumda habar berdi.
Onuň sözlerine görä, ýurduň hökümeti telekeçiler üçin amatly şertleri döredýär we «Rysgal» paýdarlar täjirçilik banky Türkmenistanda kiçi we orta telekeçiligiň ösmeginde möhüm orun eýeleýär. Bank eksporty, importyň ornuny tutýan taslamalary, oba hojalygyny, senagaty we gurluşygy maliýeleşdirmek üçin serişdeleri gönükdirýär. Mundan başga-da, «Rysgal» paýdarlar täjirçilik banky Ýewropanyň Täzeleniş we ösüş banky we Hususy pudagy ösdürmek boýunça Yslam korporasiýasy ýaly halkara maliýe guramalary bilen hyzmatdaşlygyň çäklerinde türkmen telekeçilerine goldawyny giňeldýär.
Şeýle-de Gurbandurdyýew innowasion bank tehnologiýalaryny ornaşdyrmagyň ileri tutulýan ugur bolup galýandygyny, «Rysgal» paýdarlar täjirçilik banky bolsa müşderiler üçin häzirki zaman sanly hyzmatlary döretmegiň üstünde işleýändigini nygtady.