Girmek
Ozal habar berşimiz ýaly, Prezident Serdar Berdimuhamedow sanly ulgam arkaly Hökümetiň nobatdaky mejlisini geçirdi. Mejlisiň ahyrynda döwlet Baştutany Ministrler Kabinetiniň agzalaryna ýüzlenip, mukaddes maşgala ojagyny gorap saklamakda, ogul-gyzlaryna mynasyp edep-terbiýe bermekde, jemgyýetiň agzybirligini has-da berkitmekde eziz enelere uly ornuň degişlidigini belledi.
Türkmenistanyň Prezidenti şeýle-de köp çagaly enelere «Ene mähri» diýen hormatly ady dakmak hakyndaky Permana gol çekdi.
Döwlet Baştutany ýurtda Halkara zenanlar gününiň giňden bellenip geçiljekdigini aýdyp, baýramçylyk mynasybetli Türkmenistanyň «Ene mähri» diýen hormatly adyny dakmak we hormatly ada mynasyp bolan zenanlara ýaşaýyş jaýlarynyň açarlaryny gowşurmak çärelerini guramaçylykly geçirmegiň möhümdigini belledi. Bu barada «Watan» habarlar gepleşiginde habar berildi.