Girmek
Türkmenistanyň orta mekdepleriniň ýokary synp okuwçylary hem-de uçurymlary Halkara ynsanperwer ylymlary we ösüş uniwersiteti tarapyndan geçiriljek «Men – geljekki hünärmen» atly integrirlenen olimpiada gatnaşmaga çagyrylýar.
Olimpiada 15-nji martdan 15-nji maýa çenli döwürde bäş ugur: matematika, informatika, iňlis dili, jemgyýeti öwreniş hem-de Türkmenistanyň taryhy boýunça geçiriler. Olimpiada şahsy bäsleşik görnüşde geçirilip, üç tapgyry özünde jemleýär. Bu barada «Türkmenistan: Altyn asyr» neşiri habar berdi.
Bäsleşige Türkmenistanyň umumy bilim berýän orta mekdepleriniň 12-nji synp okuwçylary we orta mekdebi tamamlanyna 1 ýyldan köp wagt bolmadyk ýaş raýatlar gatnaşyp bilýärler.
Gatnaşjaklary bellige almak 10-njy marta çenli dowam eder.
Giňişleýin maglumatlary uniwersitetiň saýtyndan, şeýle hem +99312 398513; +99312398550 telefon belgileri we iuhdolympiads@gmail.com elektron poçtasy arkaly alyp bilersiňiz.