Girmek
Türkmenistanyň e.gov.tm elektron hyzmatlarynyň döwlet portaly Türkmenistanyň raýatlaryna «Altyn Asyr» bank kartlary arkaly jaýyň tölegini onlaýn görnüşinde tölemek mümkinçiligini hödürlemegi dowam etdirýär.
Jaýyň tölegini onlaýn tölemek üçin ulanyjylar etrap jemagat hojalygyndan şahsy hasap belgisini almalydyrlar. Şahsy hasap belgisini bir gezek alnandan soň, abonentler jemagat hyzmatlaryny yzygiderli internet arkaly töläp bilerler, bu bolsa tölegi amala aşyrmak işini ep-esli ýeňilleşdirýär we wagty tygşytlaýar.
Bu portalyň üsti bilen elektrik energiýasy, gaz, suw üpjünçiligi, jaýyň abatlaýyş we ýyladyş hyzmatlary ýaly giň möçberli jemagat hyzmatlary üçin tölegleri geçirmek mümkinçiligi bar.
Bu hyzmat hereket edýän elektron döwlet hyzmatlary maksatnamasynyň bir bölegi bolup, Türkmenistanyň raýatlary üçin jemagat hyzmatlarynyň töleglerini amatly tölemek işini üpjün etmäge gönükdirilendir.