Girmek
Ozal hem habar berşimiz ýaly, Merkezi Aziýanyň Futbol assosiasiýasy şu ýyl «Ýüpek ýolunyň kubogy» atly täze klublaýyn ýaryşy geçirmegi meýilleşdirilýär. Bu ýaryşa Türkmenistandan «Altyn asyr» we «Şagadam» toparlarynyň gatnaşmagyna garaşylýar.
Umuman, ýaryşa Merkezi Aziýadan 10 topar wekilçilik eder. Ýaryş saýlama tapgyrdan we final böleginden ybarat bolar. Final böleginiň duşuşyklaryny 24-nji aprel – 6-njy maý aralygynda geçirmek meýilleşdirilýär.
Täjigistanyň «Sports.tj» web saýtynyň habar bermegine görä, ýaryşa Merkezi Aziýanyň beýleki döwletlerinden gatnaşjak toparlar hem assa-ýuwaşdan belli bolýar. Olaryň hatarynda Owganystanyň «Abu Muslim», Täjigistanyň «Istiklol» we «Regar-TadAZ», Özbegistanyň «Andijan» we «Nasaf» (ýa-da AGMK) toparlarynyň bolmagyna garaşylýar.