Türkmenistanyň milli ýygyndysynyň öňki futbolçysy Maksim Belyh Gyrgyzystanyň Premýer-ligasynyň «Ozgon» klubynyň tälimçiler düzümine goşuldy. Bu barada klubyň metbugat gullugy habar berýär.
«Maksim Belyh fiziki taýýarlyk boýunça tälimçi wezipesine bellenip, Ozgon FK-nyň tälimçiler düzümine goşuldy. Biziň klubymyza gelmezden öň ol Türkmenistanyň «Ahal», Özbegistanyň «Gyzylgum», Gyrgyzystanyň «Kaganat» klublarynda we Türkmenistanyň milli ýygyndysynda işledi. Şeýle hem ol AFC tarapyndan berlen «B» tälimçilik ygtyýarnamasyna eýedir» - diýip, habarda bellenilýär.
Maksim Belyh futbolçylyk karýerasynyň dowamynda Türkmenistanda MTTU, «Şagadam», «Ahal», «Balkan» klublarynda çykyş etdi. Özbegistanyň çempionatynda «Pahtakor» we «Nawbahor» klublarynda oýnamak tejribesine hem eýedir.
Belyh Türkmenistanyň milli ýygyndysynda 2008-nji ýylda oýnamaga başlady we 14 ýygyndynyň hatarynda oýun geçirdi.
Futbolçylyk karýerasynyň soňunda ol «Ahal» klubynda tälimçi bolup işledi, şeýle hem Türkmenistanyň milli ýygyndysynda Ante Mişe tarapyndan ýolbaşçylyk edilen tälimçiler düzümine giripdi.
