Kanadanyň Premýer-ministri Jastin Trýudo duşenbe güni özüniň Hökümetiň we ýurduň Liberal partiýasynyň ýolbaşçysy wezipelerini goýmakçydygyny yglan etdi diýip, «INTERFAX.RU» ýazýar.
Trýudonyň iş başyndan gitmek barada kararyny Günbataryň habar beriş serişdeleri onuň ilatyň arasynda meşhurlygynyň gaçmagy we deputatlaryň azyndan 20-siniň ondan işini goýmagyny talap etmegi bilen düşündirýärler. Galyberse-de, Premýer-ministr soňky aýlarda partiýadaşlarynyň arasyndan berk tankyda duçar bolýar.
16-njy dekabrda Kanadanyň oppozisiýadaky Konserwatorlar partiýasynyň lideri Pýer Pualewr Trýudony ýurtda hümmetsizlenmäniň artmagy, ýaşaýyş jaýynyň nyrhynyň gymmatlamagy ýaly meselelere gözegçiligi gowşadandygynda aýyplady.
Jastin Trýudo partiýa 2013-nji ýyldan bäri ýolbaşçylyk edýär, Hökümet başlygy wezipesinde 2015-nji ýyldan bäri işleýär. Onuň kakasy Pýer Trýudo 1960-njy ýyllaryň aýagynda we 1970-nji ýyllarda Kanadanyň Hökümet başlygy boldy.
«Financial Times» gazeti öň Beýik Britaniýanyň we Kanadanyň banklarynda ýolbaşçy wezipelerinde işlän Mark Karniniň Kanadanyň Hökümet başlygy wezipesine dalaşgärlik etmek meýli barada ýazýar.
