Girmek
«Türkmenistan» awiakompaniýasy Moskwa — Aşgabat ugry boýunça goşmaça uçuşlaryň guralandygyny habar berdi. Täze meýilnama 2, 3, 4, 6, 7, 8, 9, 10, 11 we 13-nji ýanwarda uçuş petekleri bolan ýolagçylara degişlidir. Bu barada kompaniýanyň resmi Telegram kanalynda habar berildi.
Uçuş 2025-nji ýylyň 6-njy ýanwarynda, Domodedowo howa menzilinden Moskwa wagty bilen 23:55-de meýilleşdirilýär. Goşmaça uçuşda orny tassyklamak üçin ýolagçylar petek satyn alnan wekili bilen habarlaşmaly we e-poçta (avia@itmgroup.ru) arkaly habarnama ibermeli.
Uçuş Stambul boýunça üstaşyr görnüşde amala aşyrylar. Stambula barýan ýoluň birinji bölüminde hyzmatdaş bolan howa kompaniýa hyzmat eder, soňra ýolagçylar Aşgabat şäherine göni «Türkmenistan» awiýakompaniýasy tarapyndan äkidiler.
Hasaba alyş uçuşdan üç sagat öň başlar. Howa gatnawyçysy ýolagçylaryň täze uçuş üçin sanawa goşulmaga täzeden ýazylmaga razylyklaryny derrew tassyklamaga çagyrýar.