Girmek
Moskwanyň we Bütin Rusuň Patriarhy Kirill Täze ýyl gutlagynda Türkmenistanyň Prezidentine işlerinde uly üstünlikleri arzuw edýär – diýip, TDH agentligi habar berýär.
Rus Prawoslaw Buthanasynyň baştutany geçen ýylyň köp wakalara baý bolup, adamzadyň dürli ugurlardaky üstünlikleri bilen bellenip geçilendigini nygtady.
Patriarh Kirill şeýle hem Rus Prawoslaw Buthanasynyň döwlet we jemgyýetçilik institutlary bilen dialogynyň we netijeli hyzmatdaşlygynyň ösmeginiň häzirki zaman jemgyýetiniň durmuşynda däp bolan ruhy-ahlak gymmatlyklaryny berkitmäge mundan beýläk-de ýardam etjekdigine umyt bildirdi. Ol siwilizasiýanyň garşylyklaryny ýeňip geçilmeginiň we parahatçylyga hem-de adalatlylyga barýan ýollaryň gözleginiň örän möhümdigini belledi.
«Size berk jan saglyk, Merhemetli Ýaradanyň kömegini we işleriňizde uly üstünlikler arzuw edýärin» - diýip, Patriarh gutlag hatynda belläpdir.