Girmek
Türkmen-awstriýa jemgyýetiniň ýolbaşçysy Neda Berger Täze ýyl mynasybetli Türkmenistanyň Prezidentine gutlag iberdi.
Hanym Neda Berger "Türkmenistan" gazetinde çap edilen gutlagynda türkmen döwletiniň Baştutanyna ýüzlenmek bilen, hususan-da, şeýle belleýär:
Täze ýylyňyz gutly bolsun!
Siziň parasatly baştutanlygyňyzda Türkmenistan Ýewropanyň we dünýäniň köp ýurtlary, şol sanda Awstriýa bilen biziň yklymymyzda howpsuzlygyň, durnuklylygyň, ösüşiň berkarar edilmeginiň bähbidine strategik hyzmatdaşlyk we hoşniýetli goňşuçylyk ruhundaky gatnaşyklary okgunly ösdürýär.
Ýetip gelen, “Halkara parahatçylyk we ynanyşmak ýyly” diýlip yglan edilen 2025-nji ýyl Türkmenistan bilen Awstriýa üçin şanly senelere — Türkmenistanyň hemişelik Bitaraplygynyň 30 ýyllygyna hem-de Awstriýanyň Bitaraplygynyň 70 ýyllygyna beslener.
Şu ýerde öz goşgymdan birnäçe setirleri getirmek isleýärin:
30 ýyl — bu onýyllyklar,
30 ýyl — bu gujur-gaýrat,
30 ýyl — bu parasatlylyk we hereket,
30 ýyl — bu Ýer ýüzünde parahatçylyk we bagtyýarlyk.
Size ähli derejedäki syýasy meýilnamalaryňyzyň, senagat, energetika, şeýle hem medeni-ynsanperwer ulgamlarda giň möçberli taslamalaryňyzyň amala aşyrylmagynda uly üstünlikleri arzuw edýärin.
Size berk jan saglyk, türkmen halkyna hem-de eý görýän Türkmenistanyma ösüş we abadançylyk arzuw edýärin.
Wena şäherinden iň gowy arzuwlar bilen,
Neda Berger,
Türkmen-awstriýa jemgyýetiniň ýolbaşçysy.