Girmek
Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygy mynasybetli, Mary welaýatynyň sungat işgärleri Owganystanyň Hyrat şäherinde saparda boldular. Saparyň dowamynda Hyrat şäherinde welaýat häkimliginiň we Türkmenistanyň Hyratdaky Baş konsullygynyň bilelikde guramagynda Magtymguly Pyraga bagyşlanan maslahat geçirildi. Bu barada konsullygyň resmi saýtynda habar berildi.
Habarda bellenilişi ýaly, maslahatda Magtymguly Pyragynyň ömri we döredijiligi, onuň eserleriniň yslam dünýäsinde tutýan orny, türkmen-owgan gatnaşyklary barada türkmen, dari, puştun dillerinde çykyşlar boldy. Şol sanda, beýik şahyryň dürli dillerde çap edilen şygyrlary okaldy.
Çäräniň soňunda oňa gatnaşyjylar iki ýurduň arasyndaky dost-doganlyk gatnaşyklarynyň günsaýyn berkeýändigini buýsanç bilen bellediler diýlip, habarda aýdylýar.