Günorta Koreýada «Jeju Air» kompaniýasynyň «Boeing 737» kysymly ýolagçy uçary heläkçilige uçrady, waka Çolla-Namdo ülkesindäki Muan howa menzilinde boldy. Uçar uçuş-gonuş zolagyndan çykyp, beton haýata uruldy we ýandy diýip, «Yonhap» habarlar gullugyna salgylanýan «MIR 24» habar berýär.
Uçar Bangkokdan uçup, ýerli wagt bilen 08:30-da barmaly menzilinde gonmalydy. Emma uçuş wagty guş sürüsi bilen çaknyşykdan soňra, onuň tigirlerinde näsazlyk döredi. Uçarmanlar howa gämisini agramyna ýere gondurmakçy boldular, emma onuň tizligini gonuş zolagynyň ahyryna çenli togtatmak başartmady. Netijede, uçar beton haýata urlup, ýandy.
Uçarda 177 ýolagçy we ekipažyň alty agzasy bardy. Iki adamy halas etmek başartdy.
Günorta Koreýanyň Prezidentiniň wezipe borçlaryny ýerine ýetiriji wise-premýer Çhwe San Mok heläkçilik bilen baglylykda, ýurtda bir hepdelik matam yglan etdi diýip, TASS habar berdi.
