Daşoguz welaýatynda enäniň we çaganyň saglygyny goraýyş merkeziniň täze binasyny gurmak meýilleşdirilýär. Türkmenistanyň Gurluşyk we binagärlik ministrligi 400 orunlyk häzirki zaman lukmançylyk merkeziniň gurluşygy boýunça tender yglan etdi.
Taslama Türkmenistanyň Saglygy goraýyş we derman senagaty ministrliginiň buýurmasy esasynda durmuşa geçirilýär. Merkeziň gurluşygy sebitiň saglygy goraýyş ulgamyny ösdürmekde we ilata hödürlenilýän lukmançylyk kömeginiň hilini ýokarlandyrmakda möhüm ädim bolar.
Gyzyklanma bildirýän kompaniýalar tekliplerini 2025-nji ýylyň 11-nji fewralyna çenli tabşyryp bilerler. Arzalar Gurluşyk we binagärlik ministrliginiň Marketing we daşary ykdysady gatnaşyklar bölüminde kabul edilýär.
Bäsleşige gatnaşmak barada goşmaça maglumat almak üçin şu telefon belgilerine jaň edip ýa-da görkezilen salga ýüz tutup bilersiňiz: +993 12 44-46-64, +993 12 44-45-55; Aşgabat, Arçabil Şaýoly, 84.
Tender barada has giňişleýin maglumaty şu salgydan tapyp bilersiňiz.
