Girmek
Türkmenistanly türgen Süleýman Hudaýberdiýew Jidda şäherinde (Saud Arabystany) 14 ýaşa çenli tennisçileriň arasynda geçirilen halkara tennis ýaryşynda altyn we kümüş medallara mynasyp boldy.
Ýaryşa 13 ýurtdan 36 tennisçi gatnaşdy. Jübüt ýaryşda türkmenistanly tennisçi pakistanly Muhammet Hassan Usmani bilen bilelikde çykyş edip, altyn medala mynasyp boldy. Şahsy ýaryşlarda Hudaýberdiýew öz baýraklarynyň sanawyna kümüş medalyny goşmagy başardy.
Sylag gowşuryş dabarasynda medallary Süleýman Hudaýberdiýewe häzirki zaman tennis dünýäsiniň iň beýik tennisçileriniň biri - Rafael Nadal gowşurdy. Ispaniýaly tennisçiniň gazanan üstünlikleriniň arasynda Uly tuwalga ýaryşlarynda 22 ýeňiş, iki sany olimpiýa altyn medaly we Ispaniýanyň ýygyndy toparynyň düzüminde Dewisiň Kubogynda bäş ýeňşi bar.
Türkmenistanly ýaş tennisçi üçin dünýä tennis taryhynyň şeýle uly meşhur şahsynyň elinden baýrak almak aýratyn ýatda galyjy pursat boldy.