Girmek
Russiýanyň Murmansk oblastynda iki otly çaknyşdy. Gurban bolanlar hem bar. Bir adamy wagon gysdy diýip, ýurduň Adatdan daşary ýagdaýlar ministrligine salgylanýan «MIR 24» habar berdi.
Betbagtçylyk Knýažýa demir ýol duralgasynyň etrabynda boldy, ýük otlusy Murmansk — Sankt-Peterburg arasynda gatnaýan ýolagçy otlusy bilen çaknyşdy. Netijede, üç ýolagçy wagony we ýük wagonlary-da ýoldan agdy.
Otly heläkçiliginde 31 adam ejir çekdi, olaryň bäşisi çagalar diýip, Russiýanyň Demir ýollary edarasyna salgylanýan «Gazeta.ru» habar berdi.
Heläkçiligiň bolan ýerinde iki adam, agyr şikes alan bir zenan hassahana alnyp barylýarka, gurban boldy. Otluda 326 adam bardy diýlip, habarda bellenýär.