Hytaýda 2024-nji ýylda uçarlarda ýolagçy daşamalary rekord derejä ýetdi diýip, ýurduň Raýat howa gullugy edarasyna (CAAC) salgylanýan «Sinhua» agentligi habar berdi.
«Interfax.ru» habarlar gullugynyň ýazmagyna görä, ýurduň awiakompaniýalary 15-nji dekabrdaky ýagdaýa görä, 700 million ýolagçy gatnatdylar. Ýeri gelende aýtsak, tutuş 2023-nji ýylda ýolagçylaryň sany 620 milliona deň boldy we bu ondan öňki ýyldakydan 2,5 esse köpdür.
Howa gatnawlary arkaly ýolagçy daşamagyň ynamly dikeldilmegine bu ýyl içerki gatnawlar hem uly täsir etdi, onuň hyzmatyndan 640 milliona golaý adam peýdalandy we bu pandemiýadan öňki 2019-njy ýyldakydan 14 göterim artykdyr. Halkara ugurlarda ýolagçylaryň sany 2,3 esse, ýagny 60 mln adama çenli köpeldi.
