Girmek
Ýakynda Türkmenistanyň Söwda-senagat edarasynyň ýolbaşçysy bilen Efiopiýa Federal Demokratik Respublikasynyň Türkmenistanda täze bellenen ilçisi Jemal Beker Abdullanyň arasynda duşuşyk geçirildi.
Türkmenistanyň Söwda-senagat edarasynyň binasynda geçirilen duşuşygyň dowamynda Türkmenistan bilen Efiopiýa Federal Demokratik Respublikasynyň arasynda söwda-ykdysady gatnaşyklary ösdürmegiň mümkinçilikleri ara alnyp maslahatlaşyldy.
Duşuşygyň ahyrynda Türkmenistanyň Söwda-senagat edarasynyň iki ýurduň arasynda söwda-ykdysady gatnaşyklary, işewür hyzmatdaşlygy ösdürmek, göni maýa goýumlary çekmek hem-de önümçilik we ýokary tehnologiýalar babatda hyzmatdaşlygy ösdürmäge hemişe taýýardygy bellenildi.
Şeýle-de golaýda Türkmenistanyň Söwda-senagat edarasynyň ýolbaşçysy bilen Braziliýa Federatiw Respublikasynyň täze bellenen Adatdan daşary we Doly ygtyýarly ilçisi jenap Marsel Fortuna Biatonyň arasynda hem duşuşyk geçirildi.
Duşuşykda Türkmenistan bilen Braziliýanyň arasynda dürli ugurlar boýunça hyzmatdaşlygyň okgunly ösdürilmegi üçin söwda-ykdysady gatnaşyklary ýola goýmagyň we ösdürmegiň mümkinçilikleri ara alnyp maslahatlaşyldy. Şeýle-de Türkmenistanyň we Braziliýanyň işewürler toparlarynyň arasynda özara hyzmatdaşlygyň pugtalandyrylmagy boýunça hem pikir alşyldy. Bu barada Türkmenistanyň Söwda-senagat edarasy habar berýär.