10-njy dekabrda Türkmenistanyň DIM-inde daşary işler ministriniň orunbasary Ahmet Gurbanow bilen Belgiýa Patyşalygynyň Türkmenistanda täze bellenilen Adatdan daşary we Doly ygtyýarly ilçisi (oturýan ýeri Baku ş.) Žýulen de Freponyň arasynda duşuşk geçirildi. Ilçi ynanç hatlarynyň nusgalaryny gowşurdy.
Söhbetdeşlikde Türkmenistan bilen Belgiýanyň arasyndaky syýasy-diplomatik, söwda-ykdysady we medeni-ynsanperwer ugurlardaky ikitaraplaýyn gatnaşyklaryň esasy ugurlary we geljegi ara alnyp maslahatlaşyldy.
«Taraplar halkara düzümler, hususan-da, BMG, ÝB we beýlekiler arkaly kesgitlenen özara täsir mehanizminiň çäginde halkara platformalarynda ýurtlaryň başlangyçlaryny we tekliplerini goldamak barada ylalaşdylar» diýlip, Türkmenistanyň daşary syýasat edarasynyň metbugat gullugy tarapyndan berlen habarda bellenilýär.
Türkmen tarapy netijeli we täsirli hyzmatdaşlyga ünsi çekmek bilen, ilçiniň täze wezipesinde alyp barjak diplomatik işlerine ähli babatda goldaw bermäge taýýardygyny mälim etdi.
