Girmek
Angliýaly Wiki Boll diýen ýazyjy zenanyň triller görnüşindäki romany sosial ulgamda kitabynyň bary-ýogy iki nusgalygyny satandygyny ýazandan soňra iň geçginli kitap boldy. Bu barada «NDTV» teleýaýlymyna salgylanýan «Gazeta.ru» ýazýar.
Ýagny ýazyjy zenan ýerli kitap-ýarmarkasynda kitabynyň iki sanysyny satmagy başarandygy barada sosial ulgamdaky sahypasynda ýazandan soňra müşderileriň sany ýyldyrym tizliginde artdy. Onuň ýazgysyny 25 million adam okady, 745 müň adam laýk goýdy. Netijede, zenanyň romany «Amazon» kitap dükanynyň bestseller sanawynda öňdäki orunlaryň birini eýeledi diýlip, habarda bellenýär.
Wiki Boll hatda Kolumbiýa we Belgiýa ýaly ýurtlardan hem özüne okyjylaryň ýazýandygyny haýran galmak bilen gürrüň berýär. Ol häzir Esseksiň uniwersitetinde işleýär we döredijilik boýunça magistrlik derejesini alýar.