Türkmenistanyň Prezidenti Serdar Berdimuhamedow Gyrgyz Respublikasynyň Prezidenti Sadyr Žaparowa doglan güni mynasybetli tüýs ýürekden gutlaglaryny we hoşniýetli arzuwlaryny iberdi. Bu barada TDH habar berýär.
“Siziň parasatly baştutanlygyňyzda Gyrgyzystan döwlet gurluşyny berkitmekde, halkara giňişlikdäki abraýyny artdyrmakda we halkyň hal-ýagdaýyny gowulandyrmakda uly üstünlikleri gazandy” diýlip, Türkmenistanyň Prezidentiniň hatynda nygtalýar.
Türkmen döwletiniň Baştutany Türkmenistanyň Gyrgyz Respublikasy bilen hemmetaraplaýyn hyzmatdaşlygynyň häzirki derejesine ýokary baha bermek bilen, iki ýurduň arasyndaky dostlukly gatnaşyklary ösdürmekde Sadyr Žaparowyň uly şahsy goşandyny aýratyn belledi.
Prezident Serdar Berdimuhamedow pursatdan peýdalanyp, Gyrgyz Respublikasynyň Prezidentine berk jan saglyk, maşgala abadançylygyny we bagtyýarlyk, jogapkärli döwlet işinde uly üstünlikleri arzuw etdi.
