"Türkmenistanyň ulag-logistika merkezi" ASJ (TULM) Etrek demir ýol stansiýasy arkaly Türkiýe Respublikasyndan gelýän import ýüklerini multimodal daşamagy guramaga we soňra ýurduň dürli şäherlerine ibermäge başlady.
Etrek stansiýasynda hojalyk harytlary, gurluşyk materiallary we beýleki umumy maksatly ýükler ýaly dürli görnüşli harytlar demir ýol wagonlaryndan awtoulag serişdelerine ýüklenýär. Stansiýanyň häzirki zaman infrastrukturasy arkaly Türkmenistanyň ähli çäklerinde telekeçilere öz wagtynda we ýokary hilli ýük daşalmagy üpjün edilýär.
Täze logistiki ugur Türkiýeden import edilýän ýükleriň gowşurylmagyny we iki ýurduň arasyndaky daşary söwda gatnaşyklaryň netijeliligini ýokarlandyrmaga mümkinçilik berýär.
