Aşgabadyň Söwda-senagat edarasynyň sergi merkezinde telekommunikasiýa, telemetriýa, maglumat tehnologiýalary we teleradioýaýlym enjamlaryny ösdürmeklige bagyşlanan «Türkmentel-2024» Halkara sergisiniň açylyş dabarasy boldy.
Açylyş dabarasyna dünýäniň 30-dan gowrak ýurdundan we Türkmenistandan 200-den gowrak wekil gatnaşdy. Foruma gatnaşyjylar Türkmenistanyň Prezidenti Serdar Berdimuhamedowyň gutlag ýüzlenmesini üns berip diňlediler.
Halkara forumynyň guramaçylary hökmünde «Türkmenaragatnaşyk» agentligi we Türkmenistanyň Söwda-senagat edarasy çykyş etdiler. Serginiň çäklerinde sanly özgertmelere, sanly tehnologiýalardaky we kiberhowpsuzlykdaky innowasiýalara, tor tehnologiýalarynyň ösüşine, hemra aragatnaşygyna we aýratyn sanly jemgyýetleri döretmäge bagyşlanan mejlisleri öz içine alýan Halkara ylmy maslahaty geçiriler.
Şeýle hem Bütindünýä poçta birleşiginiň okuw-seminary we «Sanly çözgüt-2024» innowasion taslamalaryň bäsleşiginiň ýeňijilerine sylag gowşuryş dabarasy bolar.
