Girmek
24-nji oktýabrda Kazanda BRIKS birleşmesiniň sammitiniň soňky güni görnükli gazak şahyry we filosofy Abaý Kunanbaýewiň ýadygärliginiň dabaraly açylyş dabarasy geçiriler diýip, Tengrinews.kz saýty habar berýär. Häzirki wagtda gorag örtügi bilen örtülen ýadygärlik Nazarbaýew köçesinde dikilip, çeperçilik çözgüdi boýunça ýaňy-ýakynda Türkmenistanyň paýtagtynda açylan heýkel bilen sazlaşýandyr.
Beýik akyldaryň ýadygärligini ebedileşdirmegiň umumy konsepsiýasy bilen utgaşyp, Abaýyň ýadygärlik heýkelleriniň dürli şäherlerde peýda bolýandygy bellenmäge mynasypdyr, bu umumy medeni giňişligi emele getirmäge ýardam edýär. Şeýle ýadygärlikler eýýäm Moskwada we Aşgabatda dikilip, indi Tatarystanyň paýtagty hem gazak magaryfçysyna uly sarpa goýýan şäherleriň hataryna goşulýar.