Girmek
«Virgin Galactic» kompaniýasynyň «Delta» kosmos gämisinde uçmak üçin petegiň bahasy adam başyna 600 müň dollara deň bolar. Bu barada ady agzalan amerikan kompaniýasynyň başlygy Maýkl Kolgeýzere salgylanýan «SpaceNews» neşiri habar berdi diýip, «Gazeta.ru» ýazýar.
Maksatnama görä, «Delta» gämisi 2026-njy ýylda ulanyşa taýýar ediler. Ol alty adam üçin niýetlenendir.
«Virgin Galactic» ilkibaşda her ýylda 750 adamy äleme syýahat etdirmegi maksat edinýär. Taslamadan geljek girdeji ýylda 95-110 million dollar bolar diýlip bahalanýar.
«Giňeldilen flot» nusgada dört gämi we iki sany uçar bolup, «Virgin Galactic» ýylda 275 uçuşy amala aşyryp biler we 990 million dollar girdeji alar.
Geljekde kompaniýa Ýewropada ýa-da Ýakyn Gündogarda ikinji kosmodromyny gurmakçy. Şonda taslama işewürlige ýylda 1,98 mlrd dollar getirer diýlip, çaklanýar.