Türkmenistanyň Koreýa Respublikasyndaky ilçisi Begenç Durdyýew bilen Koreýa Respublikasynyň Daşary işler ministrliginiň Demirgazyk-gündogar we Merkezi Aziýa býurosynyň baş müdiri, jenap Kan Ýonşiniň arasynda duşuşyk geçirildi.
Gepleşikleriň dowamynda taraplar Türkmenistan bilen Koreýa Respublikasynyň arasyndaky hyzmatdaşlygyň ileri tutulýan ugurlaryny ara alyp maslahatlaşdylar we dürli ugurlardaky hyzmatdaşlygy giňeltmäge aýratyn gyzyklanma bildirdiler. Bu barada "SalamNews" habar berýär.
Bellenilişi ýaly, türkmen ilçisi Begenç Durdyýew we Kan Ýonşin birnäçe mesele, şol sanda ýakyn geljekde meýilleşdirilýän ikitaraplaýyn we köptaraplaýyn çäreler barada pikir alyşdylar. Taraplar ykdysady, medeni we ylmy ugurlary öz içine alýan özara peýdaly hyzmatdaşlygy ösdürmegiň möhümdigini nygtadylar.
Mundan başga-da, ýurtlaryň arasyndaky işewür gatnaşyklary pugtalandyrmagyň mümkinçilikleri, şeýle hem energiýa we tehnologiki ugurlarda bilelikdäki taslamalaryň geljegi ara alnyp maslahatlaşyldy.
Duşuşyk Türkmenistanyň we Koreýa Respublikasynyň dostlukly hyzmatdaşlyk gatnaşyklaryny mundan beýläk-de ösdürmäge umumy gyzyklanmasyny görkezdi.
