Azerbaýjan Pakistanyň ykdysadyýetine 2 mlrd dollar töweregi maýa goýmakçy. Bu barada ýurduň Prezidenti Ilham Aliýew Pakistanyň hökümet başlygy Şahbaz Şarif bilen Yslamabatda gepleşiklerden soňra metbugat beýanatynda habar berdi diýip, TASS ýazýar.
Aliýew energetika, aragatnaşyk, infrastruktura hem-de goranmak senagatynda birnäçe taslamalara garandyklaryny aýtdy diýlip, habarda bellenýär.
Azerbaýjanyň döwlet Baştutany hepdäniň penşenbe güni Pakistana döwlet sapary bilen bardy. Saparyň çäklerinde dürli ugurlarda hyzmatdaşlyk etmek barada resminamalaryň 15-sine gol çekildi.
Taraplar şeýle-de Baku bilen Yslamabadyň arasynda dostlaşan şäherler hökmünde gatnaşyklary ýola goýmak barada resminama gol çekdiler.
Şu gün Prezident Ilham Aliýewiň Pakistanyň Prezidenti Asif Ali Zardari bilen gepleşikleri meýilleşdirilýär.
