Girmek
Türkmenistan bilen Gazagystanyň arasyndaky özara söwda dolanyşygy oňyn ösüş depginini saklap galýar. Bu barada Türkmenistanyň Halk Maslahatynyň Başlygy Gurbanguly Berdimuhamedow bilen Gazagystanyň Premýer-ministri Olžas Bektenowyň arasyndaky duşuşyga salgylanyp, «Kaztag» habar berdi.
«Ulag-üstaşyr ulgamda bilelikdäki özara peýdaly taslamalar bar, gaz pudagynda hyzmatdaşlygy ösdürmek üçin ädimler ädilýär. Geçen ýylyň jemleri boýunça Gazagystan bilen Türkmenistanyň arasyndaky özara söwda dolanyşygynyň mukdary 563 million amerikan dollar bolup, bu görkeziji 2022-nji ýyl bilen deňeşdirilende 28 göterim ýokarlandy. Oňyn ösüş depgini şu ýyl hem saklanyp galýar. Has takygy, 2024-nji ýylyň dört aýynyň dowamynda özara söwda dolanyşygy ýokarlanyp, 167,8 million amerikan dollara ýetdi» diýlip, çeşmede bellenilýär.
Ýeri gelende bellesek, Şanhaý Hyzmatdaşlyk Guramasynyň sammitine gatnaşmak üçin Astana şäherine baran Türkmenistanyň Halk Maslahatynyň Başlygy Gurbanguly Berdimuhamedow şäheriň Nursultan Nazarbaýew adyndaky
Halkara howa menzilinde Gazagystanyň Premýer-ministri Olžas Bektenow bilen duşuşdy.